"Neću vas mrzeti" 

"U petak uveče ukrali ste život jednoj izuzetnoj osobi, ljubavi mog života, majci mog sina, ali neću vas mrzeti. Ne znam ko ste i ne želim da znam, vi ste mrtve duše. Ako nas je Bog za kojeg vi slijepo ubijate stvorio po svom liku, svaki metak u tijelu moje žene, rana je u njegovom srcu. 

Dakle ne, neću vam pružiti to zadovoljstvo da vas mrzim. Vi to želite, ali odgovoriti na mržnju bijesom bilo bi prešuštanje istoj gluposti koje vas je učinila takvim kakvi jeste. Željeli biste da se plašim, da u moje sunarodnike gledam podozrivo, da žrtvujem svoju slobodu zarad bezbjednosti. Izgubili ste. Igrač je i dalje u igri. 

Vidio sam je jutros. Konačno, nakon noći i dana iščekivanja. Bila je jednako lijepa kao i kada je otišla u petak uveče, jednako lijepa kao prije više od 12 godina kada sam se ludo zaljubio u nju. Naravno da sam skrhan tugom, tu malu pobjedu vam priznajem, ali će ona kratko trajati. 

Znam da će ona biti uz nas svakog dana i da ćemo se u raju sresti slobodnih duša koje vi nikada nećete imati. Nas dvojica, moj sin i ja, bićemo jači od bilo koje vojske svijeta. Ne mogu da traćim više nimalo vremena na vas pošto moram da se vratim sinu koji se upravo probudio iz sna. 

On ima svega 17 mjeseci, ješće sada kao i svakog jutra, onda ćemo se igrati kao i svakog drugog dana i cijelog svog života ovaj dječačić biće srećan i slobodan. 

Zato što vas ni on nikada neće mrzeti".

Superžena