Iako se samom pomisli na prestanak pušenja mnogi odmah uplaše da će se udebljati i cigarete zamijeniti grickalicama i slatkišima, to ne mora biti tako. Hrana vam može biti dobar saveznik i velika pomoć u lakšem odvikavanju od te štetne navike.

Naprotiv, neke su namirnice kao stvorene da nakon njihovog konzumiranja osjetite drugačiji i neugodan ukus i miris cigarete.

Prije cigarete popijte mlijeko ili pojedite šargarepu ili celer. Nakon toga ćete vrlo vjerovatno primijetiti da cigareta ima neugodan i drugačiji ukus i trebaće vam duže vremena da odlučite zapaliti novu. 
Takođe, slana i kisjela hrana poput kisjelih krastavaca umanjuje potrebu za nikotinom. Isto tako i voće bogato vitaminom C. Pojedite narandžu, limun ili grejp. Inače, cigarete smanjuju zalihe vitamina C.
Miris suvog voća smanjuje želju za pušenjem, stoga se preporučuje da grickate i suvo voće.
Odlučite se za žvakaće gume i bombone bez šećera. Kada žvačete i usta rade, manje ćete žudjeti za cigaretama, piše 24sata.hr.