Ako nosite kontaktna sočiva, ta reakcija je blaža, jer sočiva štite oči od isparavanja. Ali čak i ako ih ne nosite, postoje načini da spriječite nastanak suza tokom sječenja luka.
Koristite oštar nož. Što mu je sječivo oštrije, to ćete manje pritiskati luk i manje ćete oštetiti njegove čestice. Na taj način biće smanjeno otpuštanje iritirajućeg isparavanja koje nadražuje oči.
Isparavanje je blaže kada je luk hladan. Stoga, prije nego što počnete da ga sječete stavite ga pola sata u frižider ili 15 minuta u zamrzivač.
Korijen luka sjecite tek na kraju, jer se u njemu nalazi najviše sumpora.
Čim luk presječete napola, otvoreni dio odmah okrenite na dasku za sječenje. Osim toga, usitnjene djelove odmah ubacujte u šerpu, odnosno sklanjajte ga što dalje od očiju.
U usta stavite šećer, hleb ili žvaku. Dok žvaćemo, više dišemo kroz usta i tako gutamo sumporne kapljice prije nego što dođu do očiju.
Poslije svakog poteza nožem, nož stavite pod hladnu vodu. Voda doprinosi apsorbovanju čestica sumpora.
U ustima držite šibicu, tako da crveni dio, izrađen od fosfora, bude napolju. Upravo on će upijati supstancu koja nam tjera suze na oči.
(Izvor:kolektiv.me)
