Žoze Murinjo je u svom stilu opisao vrijeme provedeno na klupi Reala.

"Ovdje sam posljednje tri godine, a imam osjećaj kao da je prošlo 30." rekao je Murinjo.

 Tokom svog boravka na klupi "Galaktikosa" Portugalac je osvojio Primeru, Kup Kralja i Super kup. Za vrijeme njegovog mandata u Realu, Gvardiola je sa Barselonom osvojio 14 trofeja.

U svojoj prvoj sezoni na klupi Madriđana Murinjo je osvojio trofej u Kupu Kralja pobjedom nad Barselonom u finalu i tako vratio ovaj trofej na "Bernabeu" poslije 17 godina. Druga sezona donijela je titulu, 32. u istoriji kluba, a presudni momenat je bila pobjeda na "Nou Kampu" od 2:1.

Ovo je Murinjova treća sezona na klupi Reala, prvi trofej je osvojen početkom sezone, naravno riječ je u Superkupu Španije. Za odbranu titule prvaka postoje samo teoretske šanse, ali ostaje borba na još dva fronta, gdje Real nije baš u zavidnoj poziciji.

Naime, pred revanš u 1/8 finala LŠ, Murinjova četa putuje na "Old Traford" sa ostvarenih 1:1 na svom terenu. Ista situacija je i u polufinalu Kupa Kralja, gdje slijedi revanš na "Nou Kampu" (utorak, 26. februar 21h).

(izvor: Analitka)