Prije tačno 30 godina, pobjedu na "Jugoviziji", tadašnjoj manifestaciji izbora za pjesmu Evrovizije, pobijedila je, sasvim neočekivano Doris Dragović.

Doris je pred samo finale izbora napustila grupu "More" s kojom je trebalo da izvede pjesmu Slobodana Kovačevića u titogradskom RTV centru. Doris je na kraju zastupala TV Zagreb s pjesmom Zrinka Tutića "Željo moja".

Pošto su u glasanju učestvovale televizije svih zemalja bivše Jugoslavije, prije finala znalo se da RTV centar neće dati glas Doris, što se i dogodilo, ali to nije uticalo na njen plasman, pisao je "Svet muzike" 1986. godine.

Kao favoriti te godine spominjale su se Neda Ukraden i Lepa Brena. Televizija Zagreb nije dala ni jedan glas Nedi zbog, pisalo se, velikog uticaja "Jugotona", koji je pjevačica napustila i prešla u "Diskoton". Ali, Neda i Brena uoči finala već su slavile potencijalnu pobjedu na izboru. Naime, šuškalo se da je takmičenje namješteno i da je Nedi pobjeda predodređena.

Dorisina pjesma smatrala se "preslabom" za Evropu, i nazivali su je pjesmom "za Splitski festival", a neki su govorili da Doris nema šta da traži na Evroviziji koja se te godine održavala u Norveškoj.

Na takmičenju, zaključli su autori teksta u "Svetu muzike", nisu prošle pjesme koje su se "dodvoravale ukusu zapadnih konzumenata pop muzike".

Doris je na toj Evroviziji s pjesmom "Željo moja" osvojila 11. mjesto.

24sata.hr