Kako piše portala Onogošt uhvaćeni su S.J.O.E. (33), G.D.G.M. (32), T.M (33), sva trojica rođeni u Francuskoj i  K.K.S. (31), rođen u Rusiji.

Policija je od njih tokom hapšenja oduzela 28 sprejeva marke „Loop“, a utvrđeno je da nemaju ni prijavljen boravak u našoj zemlji.

Protiv njih će biti podnesena prekršajna prijava, a mladići već plaćaju svoju kaznu budući da im je naređeno da sve što su napisali i očiste.

Ekipa portala Onogošt počinioce ovog nesvakidašnjeg prekršaja zatekla je na željezničkoj stanici u akciji čišćenja grafita.  Na osnovu onoga što se moglo vidjeti na terenu imaće pune ruke posla budući da se sa jedne strane grafiti protežu gotovo čitavom dužinom voza.

Jedan od njih, ne želeći da se predstavi, pristao je za taj portal da odgovori šta ih je natjeralo da ispišu grafite po vozu.

„Mi nijesmo pijanice koje su se napile i napravile štetu namjerno. Željeli smo da se zabavimo i sada ćemo da platimo cijenu naše zabave. Iza ovoga se ne krije nikakava tajna poruka neke organizacije i slično. Samo smo željeli malo zabave“, kazao je mladić.