U polufinalu su se od 9h sastale ekipe Galeba i Budućnosti Bemax, a nakon slabije igre u prvom periodu i ulaska u ostatak meča sa setom zaostatka, Galebice su nastupile kvalitetnije i ubjedljivo slavile u naredna tri.

U drugom polufinalu je slavila borbena ekipa Rudara, dok je ekipu Morače slabije izdanje od prethodnog turnira koštalo plasmana u finale. Rezultat je bio 3:1 u korist djevojaka iz Pljevalja.

U meču za treće mjesto nije bilo mnogo drame i Morača je slavila rezultatom 3:0 protiv ekipe Budućnost Bemax.

Rezultatski isto je protekao i finalni meč, uz prva dva seta ekipa Rudara je držala priključak do polovine istih, dok je treći bio stvar rutine.
 
Nakon završenog finala, pojedinačne nagrade uručio je Nikola Vujačić, predsjednik ŽOK Galeb, dok je pehar i medalje prvoplasiranoj i drugoplasiranoj ekipi uručio selektor juniorske reprezentacije Marko Radusinović.
Najbolji libero – Mašanović Marijana(Galeb)
Najbolji bloker – Vučetić Tamara (Rudar)
Najbolji tehničar – Šušić Marija (Galeb)
Najbolji primač – Petrović Dušanka (Rudar)
Najbolji smečer – Vujošević Lana (Galeb)
Najbolji igrač – Čavić Teodora (Galeb)

oscg.me