"Mislim da nije ispravno izjednačavati islam sa nasiljem. U gotovo svakoj religiji ima neka mala grupa fundamentalista. I kod nas ih ima", rekao je papa objašnjavajući svoju odluku da ne pomene islam kada je osudio brutalno džihadističko ubistvo katoličkog sveštenika u Francuskoj, za koje je odgovornost preuzela takozvana Islamska država.

"Ako treba da  govorim o islamističkom nasilju, treba da govorim i o hrišćanskom nasilju. Svaki dan u novinama vidim nasilje u Italiji, ovaj je ubio svoju djevojku, onaj taštu, a svi oni su kršteni kao katolici", rekao papa Franja novinarima tokm posjete Poljskoj, prenosi AFP.

Prema njegovim riječima, religija nije pokretačka sila iza nasilja.

Moze se ubiti jezikom isto kao nožem, rekao je on, aludirajući na jačanje populističkih partija koje podstiču rasizam i ksenofobiju.

"Koliko je mladih u Evropi lišeno ideala i bez posla, pa se okreću drogi, alkoholu i fundamentalističkim grupama", kazao je papa.