Stara kozmetika

Kada govorimo o kozmetici, pravilo je vrlo jednostavno - ako je stara, suva ili je ne planirate nikada upotrebiti, bacite je bez razmišljanja.Dok se u vlažnoj dekorativnoj kozmetici poput pudera, maskare i tuša za oči vremenom razvijaju bakterije, senke i rumenila nakon isteka roka više nisu postojana na koži i nemaju isti učinak.

Što se preparativne kozmetike tiče, ako je kremi ili maski za lice istekao rok trajanja ili su promijenile boju ili strukturu, nikako ih ne stavljajte na kožu jer mogu izazvati jake alergijske reakcije. Isto važi i za kreme za sunčanje koje ne bi trebalo  da koristite dvije sezone za redom.

Stare četke i sunđeri za tuširanje

Prema poslednjem istraživanju, stvari koje koristite za kupanje mogu biti najprljaviji predmeti u vašem domu. To se naravno odnosi na krpice, sunđere ili četke za tuširanje koje koristite predugo. Naime, bakterije se najbrže razvijaju na vlažnim mjestima, a dlačice ili vlakna naših pomagala za tuširanje kao stvorene su za razmnožavanje bakterija. 

Ako sunđer za tuširanje koristite predugo, na njoj će se stvarati bakterije, ali i gljivice koje mogu ozbiljno naštetiti našem zdravlju. Sunđere i četke nemojte koristiti duže od 3 do 6 mjeseci, a ako želite da se maksimalno zaštite, sunđere nakon tuširanja ponovo nasapunjajte, dobro isperite i ostavite blizu izvora toplote da se potpuno osuše.

Ljekovi

Iako im je primarna funkcija da čuvaju naše zdravlje ili nas izliječe od raznih bolesti, stari lekovi iz naše kućne apoteke mogu postati opasni.

Naime, prosječan rok trajanja lekova je oko godinu dana. Sve iznad toga umanjuje učinak istih ili pak, u nekim slučajevima, mogu postati i opasni po zdravlje. Isto važi i za ljekove koji nisu u svom originalnom pakovanju.

Ako primijetite da je zaštitna folija na pakovanju tableta probušena ili da su tablete ispale iz kutije, nikako ih nemojte koristiti već ih odmah bacite u posebno označena mjesta za odlaganje takvog otpada.