Kako je za RTV Cetinje kazao komandir Vatrogasne jedinice Peđa Moštrokol, najkritičnije je bilo na Kruševici.
"Vatra se u toku dana primakla kućama, bilo je ugroženo šest objekata ali smo uz velike napore uspjeli da ih spasimo. Aktivan je i požar na Trešnjevu, a kako duva vjetar dva požara u tom mjestu će se u toku noći sastaviti. Ekipe su na terenu i činimo sve što možemo da vatru držimo pod kontrolom", kazao je Moštrokol.
Situacija na Bosturu je, prema njegovim riječima, pod kontrolom ali im gašenje otežavaju vjetar i nepristupačan teren.
