Belgija je u svijetu poznata po pivu.

Tim stručnjaka izbrojao je skoro 1.600 različitih piva u 2015, pa možda i nije veliko iznenađenje što su se Belgijanci našli na prvom mjestu liste koju su sačinili istraživači agencije Ipsos, navedeno je na sajtu statista.com.

Susjedna Francuska koja je naklonjenija vinu našla se na drugom mjestu sa 11,5 litara alkohola po stanovniku godišnje, što je 1,1 litar manje od prvoplasirane Belgije.

Iako se često vjeruje da Rusi najčešće konzumiraju alkohol, odnosno nacionalno piće votku, gradjani Rusije su tek na sedmom mjestu liste sa 10,12 litara alkohola, navedeno je na sajtu.

Od 38 država u svijetu koje su obuhvaćene istrživanjem, Srbija se našla na 12. mjestu sa 9,09 litara alkohola po glavi stanovnika godišnje, a Crna Gora na 24. mjestu sa 6,56 litara.