Za pripremu vam treba kašika maslinovog ulja, nekoliko kapi svježe iscijeđenog limuna, pola šoljice kuvane zobene kaše (koristite je ohlađenu) i bjelance jednog jajeta.
Pomiješajte maslinovo ulje, sok od limuna, zobenu kašu i jaje te miješajte dok smjesa ne postane glatka. Zatim je nanesite na vrat i lice i pustite da djeluje 15 minuta do pola sata. Isperite mlakom vodom. Na lice potom nanesite omiljenu kremu koja će vam dodatno nahraniti kožu.
Maslinovo ulje bogato je vitaminima C, D i E te antioksidansima i gvožđem, sastojcima koji regenerišu i vlaže kožu.
Kada se ono kombinuje sa sokom od limuna, postižete odličan efekt. Naime tom njegujućom kombinacijom ublažićete bore i očistiti pore, a posebno dobar efekat imaće kad pomiješate sve sastojke sa zobenom kašom. Jaje će vam pak zategnuti kožu i učiniti je mlađom. Iako je maslinovo ulje po pravilu dobro za suvu kožu, ova maska koja sadrži i limunov sok dobra je za normalnu, ali i mješovitu kožu.
(Izvor:nazdravlje.me)
