"Nevjerovatan osjećaj je znati da naš grad ima službu kojom se može ponositi! Na poziv mještana Fundine da je 50 konja sa svojim čupavim malcima, usljed velikih vrućina i suše ostalo bez vode, iznenadismo kao "ptičari" vatrogasnu službu apelom za pomoć. Na naše oduševljenje bez pogovora su izašli na teren i isušeno prirodno pojilo napunili prijeko potrebnom vodom još jednom pokazavši koliko human posao rade i kako sva bića imaju jednak tretman", kazali su iz CZIP-a.

Foto: Facebook

Dodaju da ih je ovaj slučaj podsjetio na postupanje ove službe i prošle godine kada je znatiželjni smuk uklonjen iz KBC-a sa potrebnom pažnjom i stručnošću, na vrlo edukativan način.

"Dragi vatrogasci, poštovani komandire Čađenović, želimo vam mirnu sezonu, a pored nas i mještana, zahvalne su vam i desetine snažnih sapi, razbarušenih griva i plemenitih očiju", poručuju iz CZIP-a.