Prema navodima lokalnih vlasti, u prethodna dva dana je zbog polarne hladnoće umrlo najmanje 11 osoba, javlja Anadolija.

Ekstremno niske temperature se kreću između -34 i -51 stepeni Celzijusa u regionu Velikih jezera i na srednjem zapadu.

U gradu Mahnomenu u sjeverozapadnoj Minesoti živa se u šest sati ujutru spustila na minus 40 stepeni, a kasnije i do -53 stepena.

Vlasti u Illinoisu, Viskonsinu i Mičigenu izdale su upozorenja na ekstremnu hladnoću koja je zahvatila područje na kojem živi oko 60 miliona ljudi.

Foto: AA

U Čikagu, trećem najvećem gradu u SAD-u, u srijedu ujutro bilo je -30 stepeni, a popodne -26.

"Riječ je o nezabilježenoj hladnoći u istoriji zemlje. Temperature ugrožavaju živote ljudi i trebamo postupati u skladu s time", rekao je novinarima gradonačelnik Čikaga Rahm Emanuel.

Kako bi se zaštitili od ledenog vjetra, ljudi izlaze van prekrivajući oči skijaškim maskama.

Prema naredbi Gretčena Vajtmera, guvernera Mičigena, sve državne kancelarije su zatvorene su do petka, a nekim zvaničnicima je rečeno da ostanu kod kuće.

Zbog niskih temperatura su zatvorene i škole u pojedinim gradovima, dok je otkazano više od 2.500 domaćih i međunarodnih letova.

Ledeni vjetar je stigao iz arktičkog kruga i kreće se prema istočnoj obali SAD-a, a procjene su da će vrijeme da se stabilizuje tokom vikenda.