Osigurajte prostor koji će vam omogućiti da zatvorite oči i odmorite se. Ako u isto vrijeme budete pričali na telefon ili čitali i pisali poruke, nećete postići isti efekat, pa uklonite sve što može da vam odvuče pažnju.

Lezite na leđa, s butinama udaljenim od zida 15 do 50 centimetara. Savijte noge u koljenima i oslonite se petama uza zid. Ukoliko se bedra nalaze pod pravim uglom u odnosu na leđa, tada je zadnjica na pravilnoj udaljenosti od zida.

Ispravite noge i oslonite se na zid stopalima. Ne savijajte noge u koljenima i opustite ih.

Stavite jastuk pod glavu (ili leđa). Trebalo bi da vam bude jako udobno. Zatvorite oči i dišite. Stavite jedan dlan na stomak, a drugi na srce.

Budite svjesni svog disanja. Udišite brojeći do 2, a izdišite brojeći do 4. Zadržite se u ovom položaju 10 minuta zatvorenih očiju. Dišite i opustite se.

Ova vježba će vas uvesti u stanje meditacije iako toga niste ni svjesni. Osjetićete kako vaše tijelo i um zaranjaju u mir i dostižu harmoniju, piše Femina.

5 korisnih efekata ove vježbe:

- Smanjuje otok u nogama;

- Otklanja sindrom umornih nogu;

- Poboljšava probavu;

- Opušta nervni sistem;

- Doprinosi psihičkom miru.