Vjerenik joj je tada rekao kako bi trebala da proguta prsten sa dijamantom, što je ona i učinila. Stavila ga je u usta i progutala i popila čašu vode. U tom trenutku se probudila, ali mislila je da je sve sanjala te je nastavila je da spava.

Kada se ujutro probudila, vidjela je da joj nema prstena. Onda je shvatila da nije baš sve bio san…

"Probudila sam Bobija i rekla mu da sam progutala prsten. Mislim da mi nije povjerovao odmah. Smijali smo se jako jedno sat, sat i po, nakon čega smo nazvali moju mamu i onda smo se smijali dok nismo počeli da plačemo od smijeha", prepričala je Jenna na Fejsbuku svoje iskustvo.

Potom je otišla u bolnicu gdje su je snimili i otkrili da joj je prsten u stomaku.

Foto: Facebook

"Dok su me gastroenterolozi pregledavali, već sam ga osjetila i poprilično me boljelo pa sam postala nervozna. Prsten su odlučili da izvade endoskopijom, no za svaki slučaj morala sam da potpišem papire u slučaju da umrem. Onda sam jako plakala jer bila bih užasno ljuta da umrem. Dugo sam čekala taj vjerenički prsten i udaću se za Bobija Hovela", prepričava 29-godišnjakinja.

Ljekari su je nakon toga uspavali, a kada se probudila, njen prsten bio je vani, ali dali su ga njenom vjereniku. 

"Bobi mi ga je napokon vratio i obećala sam mu da ga neću opet progutati. I dalje planiramo vjenčanje i sve je u redu", zaključila je ona svoju neobičnu priču.