To se, sa druge strane, poklapa s Trampovim savjetom o ubrizgavanju dezinficijensa kako bi se spriječio koronavirus.

Rekla je kako su trovanje prijavili ljudi koji su deterdžentima pokušavali isprati sinuse dok je jedna osoba u ustima grgljala mješavinu izbjeljivača i vodice za usta kako bi ubila virus.

“Ubrizgavanje, probavljanje i šmrkanje sredstava za čišćenje je opasno. Ne savjetujemo to, to može biti smrtonosno”, rekla je dr Ezike, piše CNN.

Podsjetimo, predsjednik SAD-a Donald Tramp ponovo je zaprepastio medicinsku zajednicu posljednjim komentarima o lijeku za koronavirus.

Njegove komentare stručnjaci su nazvali neodgovornima i opasnima. Naime, Tramp je prije dva dana na dnevnoj konferenciji o koronavirusu sugerisao kako bi ubrizgavanje dezinfekcijskog sredstva poput izopropilnog alkohola u tijelo moglo ubiti koronavirus, a predložio je i zračenje tijela bolesnika od koronavirusa UV-zracima, nešto što je opovrgnuo doktor na samoj konferenciji.