Furtula je disk bacio 58 metara i 28 centimetara i kvalifikacije završio na 14. mjestu u A grupi. On je u prvoj seriji prestupio, u drugoj je disk bacio 58,28 metara, dok je u trećoj imao za dva centimetara slabiji rezultat od prethodnog hica.

Norma za plasman u finale bila je 65 metara.

Najbolji rezultat u prvoj kvalifikacionoj grupi imao je Njemac Robert Harting, koji je disk bacio 66,62 metra. Normu je ispunio i Estonac Gerd Kanter sa rezultatom 65,54 metra.

Furtulin najbolji rezultat iznosi 64 metra i 60 centimetara, koji je ostvario početkom marta na zimskom Kupu bacača Crne Gore u Baru.

Plasman u finale izboriće 12 najboljih iz kvalifikacija.