- U subotu ujutro smo puštili ovce na ispašu, poslije par sati komišija nas je pozvao i rekao da su nam psi upali na imanje i napali ovce. Komšija nije mogao ući na imanje jer je on ograđeno nego je čekao da dođemo. Kada smo došli na imanje zatekao nas je prizor: troje mrtvih jagnjadi i četiri ovce i psi koji su jeli od njih – kaže za Radio Cetinje Nikola Vujović.

On je u subotu slučaj prijavio policiji i komunalnoj policiji, a oni su izlašli na lice mjesta napravili zapisnik i fotografisali zatečeno stanje.

- Poslije toga ostale ovce smo uredno zatvorili, da bi smo u nedjelju ujutro, to jest danas našli još dvoje mrtvih jagnjadi – kaže Vujović uz apel komunalnoj policiji da uradi nešto po ovome pitanju.