”1991. godine ja i Marina smo imali papire za odlazak na Novi Zeland. Tek diplomirani inženjer elektrotehnike, pred ženidbu i diplomirani ekonomista, na početku svojih karijera i života planirali smo odlazak. Već se država raspadala u krvavom ratu i sa njom nestajao sistem u kojem smo odrasli i školovali se”, kaže Medojević.

Dodaje kako je supruga Marina je bila tvrđa, hrabrija i odlučnija od njega.

”Oklijevao sam da kupim karte i vremenom odustao. Iz ove perspektive protoka 32 godine i svega što je moja porodica pretrpjela u ovoj zemlji, siguran sam da je to najveća greška u mom životu”, napisao je Medojević.

Dodao je da je njegova borba za promjene bila besmislena i uzaludna, da njegov narod ne želi promjene i da njegova priča i istina samo iritira i nervira.

”Djecu smo vaspitavali da uče na našim greškama i da ne izbjegavaju da donose važne i hrabre odluke u životu, kojih nema puno.Naravno, ne vruće glave i brzopleto, ali nedonošenje odluke je često veća greška nego donošenje, makar i pogrešne odluke. Djeca su hrabrija i samostalnija od mene, hvala Bogu. Pišem pomalo i teško. Nema ništa bez naše zemlje….” – navodi se u objavi Medojevića. 

Izvor: Standard