Benfika je briljantno otvorila meč. U trećem minutu Sulejmani je centrirao iz kornera a defanzivac Garaj je glavom pogodio ugao Bufonovog gola za 1:0. Gosti su izjednačili u 73. minutu. Teves je sjajno u šesnaestercu lažnjakom izbacio dva čuvara a onda i provukao loptu pored Artura. Samo nekoliko minuta prije toga teren je napustio Mirko Vučinić koga je zamijenio Đovinko. Nije blistao Mirko ali ni saigrači u napadu.

Nakon izjednačenja Benfika nije imala rješenja u napadu ali je stigla do gola. Šest minuta prije kraja Lima je pronašao prostor za šut i zakucao je loptu u gornji desni ugao gola gostiju za 2:1. Do kraja imala su dva tima šanse. Lazar Marković je šutirao pored gola, a na drugoj strani zicer je Markiziju odbranio Artur. U posljednjim trenucima meča veliku šansu promašio je Kijelini.

Veliku prednost pred revanš za sedam dana stekla je Sevilja protiv Valensije 2:0. Domaći su do viška stigli za tri minuta. U 33. Mbija je spektakularno petom dao gol sa nekoliko metara, da bi samo tri minuta kasnije Baka iskoristio Vitolovo dodavanje za 2:0.