Svake godine Telegraf izdaje popis najposjećenijih gradova svijeta, pa vam tako prenosimo listu deset najviše plasiranih, koje lako možete uvrstiti u svoje planove.

Seul, 8,63 miliona posjeta

Prvi od mnogo Azijskih gradova koji se je našao na ovome popisu, Južnokorejska je metropola postala izrazito popularna kroz zadnjih desetak godina. Spoj tradicionalnog načina života i moderne kulture ovdje je na samom vrhuncu. A svoju popularnost može zahvaliti i mega popularnom Gangam stajlu, no to definitivno nije sve što ovaj grad ima za ponuditi.

Hong Kong, 8,84 miliona posjeta

Nekada britanska kolonija, a danas mega popularna destinacija i poslovna meka Azije. Ovaj grad živi punim plućima 24 sata na dan, a nedavno je proglašen i prijestonicom Dalekog Istoka.

Kuala Lumpur, 10,81 miliona posjeta

Malezijska dinamična prijestonica, topla i vlažna, prekrasna i puna osmijeha divnih ljudi. Ne propustite da probate palačinke od banana!

Istanbul, 11,60 miliona posjeta

Istanbul je oduvijek privlačio mnogo posjetilaca zbog svoje pristupačnosti i egzotičnosti. A otkada su turske sapunice zavladale, prvo Evropom, a onda i ostatkom svijeta, u njega se slijeva sve više i više turista.

Njujork, 11,81 miliona posjeta

Grad koji nikada ne spava. Njujork je poslovni centar SAD-a i ujedno i najuzbudljiviji i najdinamičniji grad Sjeverne Amerike.

Dubai, 11,95 miliona posjeta

Dubai je u posljednjih nekoliko godina napravio pravi bum u privlačenju turista i podizanju kvaliteta usluge. Danas slovi kao najluksuznije odredište na svijetu, gdje vas jedno noćenje može koštati i do zapanjujućih 3.500 eura. Puno za grad koji se razvio iz malenog ribarskog naselja, i pravi primjer da nafta i novac danas pokreću svijet.

Singapur, 12,47 miliona posjeta

Najpopularniji grad za prespavati u Aziji. Singapur nudi puno toga da se vidti i doživi, ali ipak najviše slovi kao destinacija u kojoj turisti borave samo jednu noć na proputovanju na nova odredišta.

Pariz, 15,57 miliona posjeta

Grad ljubavi, pravi primjer da se dobrim marketingom i pokojom građevinom mogu napraviti čuda. Grad umjetnosti, mode i gastronomije. Nema tog čovjeka na svijetu koji ovdje ne bi pronašao nešto za sebe.

Bangkok, 16,42 miliona posjeta

Prošle godine Bangkok je bio proglašen prijestonicom svijeta zahvaljujući rekordnom broju posjetilaca. Gdje god da se okrenete uvijek ćete naići na maleni dio bogate kineske tradicije.

London, 18,69 miliona posjetilaca

London je definitivno grad broj 1 po svim mjerilima posjećenosti. Tower bridge, London Eye, muzeji te kraljevska porodica - pravi su mamci za posjetioce. Činjenica da je London proglašen poslovnom prijestonicom Evrope ide u prilog ovolikom broju posjetilaca. Poznavajući rivalstvo između Pariza i Londona ostaje da se vidti kako će Parižani odgovoriti na sve veću popularnost Londona među turistima širom svijeta.

(RTCG)