Vruća voda otvara kutikule vlasi i čini ih lomljivim, pa je kosu najbolje ispirati mlakom vodom. Ona će zatvoriti kutikule, spriječiti isušivanje i kosi vratiti sjaj.

Dodatan sjaj obezbijediće regenerator koji ne treba ispirati. Onaj na bazi kakao butera “zarobiće” vlagu u vlasima, što će kosi dati mekoću i sjaj.

Ulja blagotvorno djeluju na kosu, a najbolji izbor su ulje avokada, kokosovo ili maslinovo ulje. Treba ga zagrijati i nanijeti na kosu. Preko toga treba staviti plastičnu kapu za tuširanje i ostaviti da djeluje sat vremena prije ispiranja.

Preparate za njegu kose na bazi alkohola najbolje je izbjegavati, jer isušuju i skidaju prirodna ulja s vlasi.

Za češljanje su najbolje okrugle četke sa zupcima od prirodnih vlakana. One ravnomjerno raspoređuju prirodna ulja od korijena do vrhova. To kosu čini sjajnom.

Jednom nedjeljno preporučuje se korišćenje maski. Dovoljno je pomiješati osam jagoda s kašikom majoneza, nanijeti na opranu kosu i ostaviti 5 do 10 minuta prije ispiranja.

Preporučuje se da što češće kosu sušite prirodnim putem, ali ako to nije uvijek moguće, najbolje je na fenu uključiti opciju za hladan vazduh.

Gvožđe kosi vraća sjaj, stoga se preporučuje da se u ishranu uključe namirnice bogate ovim mineralom poput jaja, spanaća, brokolija, soje i sardina, prenosi RTCG.