Ovo što objašnjavaju kao dobar razlog :”Kada se ošiša makazama, vlas ostaje otvorena, kosa tako gubi hranljive materije i procvjeta. Velaterapijom dlaka se zapečati i regeneriše – keratin i ostale hranljive materije ne izlaze iz kose.” to smisla nema. Dlaka se otvara šamponom ili hidrogenom a zatvara regeneratorom do sljedećeg pranja,  to svaki frizer nauči još u školi.

Ispucali krajevi nemaju veze sa šišanjem kose, naprotiv, šišanje kose odstranja ispucale krajeve. Kosa na krajevima “cvjeta” jer se ne šiša. Svaka kosa ima neku svoju zamišljenu dužinu, koja može da ostane zdrava. U prosjeku stručno farbana kosa, pod uslovom da se konstano hrani profesionalnim pakovanjima, ima limit oko 15 do maksimum 20 cm ispod ramena. Kada kosa preraste tu dužinu, dlaka počinje da se cijepa na krajevima i ako se ne ošiša, odnosno ne skrati do zdrave dužine, ona ima tendenciju da se cijepa sve do korijena, malo po malo. Ako ne štitimo kosu na suncu, kao i kožu, površinski sloj će izgorjeti, osušiti i naravno ispucati. Naravno zdrava , nefarbana kosa, koja se hrani kroz organizam kao i profesionalnim pakovanjima, redovno šiša i održava, može biti zdrava i jako duga, ali i ona ima svoj limit.

Kažu još ovi lažni frizeri, da je kosa poslije ove terapije svijećom sjajnija i zdravija.

Lažu , sjajnija je zapravo od tretmana poslije paljenja kose, koji im je obavezan poslije ovog tretmana i on se kosi se prvim “objašnjenjem”. Inače kosa se sija i poslije feniranja, jer svjetlost se odbija o ravnu površinu.

Nastavak teksta možete pročitati OVDJE.