Argentinac se našao u startnoj postavi Katalonaca u meču sa Romom, u prvom kolu nove sezone, i tako postao 33 igrač koji ima trocifren broj nastupa u Ligi šampiona.

Kako prenosi B92, Mesi, koji je u odabrano društvo ušao sa 28 godina i dva mjeseca, srusivši rekord Raula Gonsalesa Blaka, postao je tek 15. igrač koji je sakupio sto nastupa u dresu jednog kluba.

Kapiten 'Gaučosa' je u spomenutih sto mečeva postigao 77 golova i upisao 33 asistencije, osvojivši za to vrijeme četiri 'ušata' trofeja. 

S druge strane, rekorderi po broju nastupa u Ligi šampiona su, bivši kapiten 'Blaugrane', Ćavi Ernandes i, novi čuvar mreže Porta, Iker Kasiljas – koji su himnu takmičenja slušali 151 put. 

Kada bi se računale i kvalifikacije Ćavi je neprikosnoven sa 157 susreta.