Nesreća se dogodila oko 21 sat, nedaleko od manastira Morače, piše portal Antena M.

Vatrogasci su satima pokušavali da dođu do nje, da bi njeno tijelo izvukli tek oko jedan sat poslije ponoći.

Kako su ovom portalu kazali iz Službe zaštite i spašavanja Kolašina, ona je pronađena uz samu obalu Morače. Put je bio vertikalno neprohodan, pa su kako su nam pojasnili, zajedno sa pripadnicima MUP-a morali da krče oko 300 metara nizvodno, kako bi uspjeli da dođu do nje, a potom da je iznesu. Izvlačenje je dodatno otežavala i kiša.

Marija je u automobilu bila sa još dvije muške osobe i sa sestrom Mirjanom koja je povrijeđena. Oni su stali na proširenje pored puta da odmore, kada se Marija okliznula i pala u kanjon.

Ubrzo su na mjesto nesreće došli policija, pripadnici Službe zaštite, kao i pripadnici tužilaštva.

Nakon što su je izvukli, tijelo je poslato na obdukciju u KCCG. 

Saobraćaj je u tom periodu puštan jednom trakom naizmjenično.