Rozberg je na prvom treningu pobijedio u vremenu minut, 16 sekundi i 19,5 stotinki. Španac Fernando Alonso, pobjednik VN Španije, bio je drugi, dok je Francuz Roman Grožan u Lotusu osvojio treće mjesto. Vodeći u generalnom plasmanu, Sebastijan Fetel u Red bulu, zauzeo je deseto mjesto.
Rozberg je bio najbrži i na drugom treningu, sa rezultatom minut, 14 sekundi i 75,9 stotinki. Njegov klupski drug, Britanac Luis Hamilton, bio je drugi, dok je treće i četvrto mjesto pripalo vozačima Ferarija, Fernandu Alonsu i Felipeu Masi. Prošlogodišpnji pobjednik VN Monaka, Australijanac Mark Veber, osvojio je peto mjesto, dok je Fetel bio deveti.
Staza na kojoj će biti vožena trka za Veliku nagradu Monaka duga je 3,3 kilometra, a vozi se 77 krugova. Zvanične kvalifikacije biće vožene u subotu u 14 sati, dok je trka na programu u nedjelju u isto vrijeme.
