Više od 450 ih se nasukalo u proteklih nekoliko dana na sprudovima i plažama zapadne Tasmanije. Spasioci su uspjeli da vrate oko 50 kitova u vodu, prenosi Gardijan.
Spasilačke službe su bile fokusirane na oko 270 kitova kod grada Strahan, koji su se tamo nasukali u ponedjeljak, ali su jutros iz helikoptera spazili još 200 kitova pilota nasukanih na plaže deset kilometara dalje.
Foto: EPA/EFE
To je jedno od najvećih nasukavanja ikada zabilježenih širom svijeta i najmasovnije u australijskoj istoriji.
Nik Deka, koordinator spasilačkih službi tasmanijskih parkova, rekao je da se njegove ekipe sada bore da spase još 30 preostalih živih kitova.
„Pokušaćemo da spasimo koliko god možemo“, istakao je Deka.
Do sada je najgore nasukavanje zabilježeno 1935. godine, kada se 294 kitova pilota nasukalo na sjeverozapadnu obalu Tasmanije.
Komentari