Odgovor Sanje Jelić prenosimo u cjelosti:

Neprijatno iznenadjena Vašim obraćanjem ovim vidom komunikacije koji kao akademski i uzoran građanin smatram pogrešnim.

Odgovoriću Vam iz poštovanja prema funkciji gradonačelnika koju obavljate. Mislim da Vaše obraćanje meni na ovaj način i sa toliko jasno ispoljenog ličnog animoziteta meni kao jedinom odgovornom licu JU Gimnazije šteti ugledu našeg grada.

Moram Vam priznati da je u našoj školi zakonom zašticena svaka odluka koju sam donijela, nikad samovoljno već uz konsultaciju resornog Ministarstva prosvjete koje se zalaže za obrazovanje i primjer školstva u našoj Državi , čime se i ponosimo.

Opet ponavljam , odluke donosim u skladu sa zakonom i statutom škole,a sva djeca su za mene jednaka i imaju ista prava . Ako ste se već odlučili za javno obraćanje ovim putem bilo bi lijepo da pohvalite našu ustanovu koja niže mnogobrojne uspjehe u svim vidovima obrazovanja.

Smatram da za javna prozivanja nije bilo potrebe.

Ljudski i profesionalno je bilo da me pozovete i pitate o čemu je riječ?

Napominjem, Đak generacije treba u svakom pogledu biti primjer kulture, obrazovanja, posvećenosti.

Ne podržavam stav pojedinaca koji šire medijsku propagandu da Djak generacije najstarije crnogorske Gimnazije prepisuje na maturskom ispitu , ima preko 400 izostanaka, nije radio više pismenih zadataka u toku školske godine i imao je izrečenu vaspitno disciplinsku mjeru zbog skidanja slika oko zbornice.

A ako je neko već zbog kompleksa niže vrijednosti odlučio da se bavi samnom lično i poslovno jer ne može “medijski “ ostvariti prava , već u skladu sa zakonom, trebali ste, kada već čitate žutu štampu i osluškujete insinuacije bez ikakvog osnova da više posvetite pažnje tome o čemu prica čitav grad ,što je profesorica na konkurs u Gimnaziji prijavila preminulu ženu , našu uvaženu bivšu koleginicu i u “ovakvim i onakvim “ postupcima zaustavite takav kadar zbog interesa Društva , a ne im dajete “vjetar u ledja “ , prozivajuci mene koja se držim ZAKONA.

Uvaženi gospodine Đuraškoviću ,

Svakog dana sam u školi, dobrodošli ste uvijek za svaki razgovor i rješavanje problema , da doprinesemo zajedničkim snagama gradu i obrazovanju i vjerujte mi da će mi biti ČAST. Ovim putem Vas i pozivam na otvoreni razgovor u školi gdje Vam obećavam da će i svaki Vaš predlog biti usvojen i uvažen, zato Vas srdačno molim da zaustavite prepiske ovakve vrste. Razgovoru i dijalogu u institucijama nema alternative.

Vjerujem u to da ste Vi gradonačelnik svih građana Cetinja bez selekcije. Vjerujem u Vas.

Ono sto bih Vam predložila prvenstveno kao covjek , a zatim kao rukovoilac JU Gimnazija je da prestanemo sa Javnim dopisivanjima i zakažemo sastanak na kom ne smatram da su potrebne novinske kuće , već VI i ja i članovi bilo koje institucije u Crnoj Gori koji će se uvjeriti još jednom da su sva djeca za mene ista i da je ZAKON u našoj školi nešto što svi moraju naučiti da se poštuje.Sa posebnom emocijom govorim o našoj Gimnaziji jer sam bila njen učenik i slažem se sa Vama da je Gimnazija gotovo vijek i po predstavljala središte obrazovnog razvoja i temelja na kojima je počivao progres našeg grada i Društva, afirmišuci na najbolji način samu ustanovu i samu instituciju i prijestono Cetinje i Van granica naše Države. Jos jednom Vas molim da zajedničke snage usmjerimo za najbolji doprinos i obrazovanje našeg Cetinja i države Crne Gore.

Izvor:CdM