Šta vam je potrebno prije kupanja?

Nježan sapun koji ne isušuje kožu ili šampon za bebe.

Dva peškira − jedan za brisanje, jedan za umotavnje (peškir s kapuljačom je najbolji, jer čuva toplotu).

Čista pelena i oprema za presvlačenje.

Nepromočiva kecelja ili stara majica za vas.

Nekoliko savjeta…

Važno je da stvorite prijatnu atmosferu u kojoj ćete uživati.

Zagrijte prostoriju na 22 do 24 stepena, napunite kadicu toplom vodom i dodajte nekoliko kapi kupke za bebe. Neka vam bude spreman mekani, topli peškir za vašu bebu poslije kupanja.

Pridržavajte bebu objema rukama dok je spuštate u kadicu i pustite je da se brčka, jer kada su okružene toplom vodom, bebe se prisjećaju vremena provedenog u majčinom stomaku i uživaju u tome. Ako za vrijeme kupanja beba plače, ne brinite se. Moguće da je gladna ili joj temperatura vode ne odgovara.

Poslije kupanja, umotajte bebu u peškir i nježno joj osušite kožu. Tada je najbolje vreme za hidrataciju bebine kože.

U dlanove sipajte nekoliko kapi bebi ulja i nježno umasirajte u bebinu kožu. Nežna masaža uljem i maženje s bebom su šlag na torti ovog rituala. Masaža jača vezu između majke i djeteta podstiče probavu, cirkulaciju i jača imunitet. Mnoge bebe su opuštene poslije kupanja i masaže i bolje spavaju, a to je nešto što vam je vrlo važno.