Nedostatak sna
Uglavnom bi krevet trebao da bude rezervisan za dvije stvari, spavanje i seks. Na samom početku veze količina seksa vjerovatno je na zavidnom nivou, ali valja imati na umu da dok se seks i spavanje događaju na istom mjestu, ne mogu se odvijati u isto vrijeme. Stoga je za opšte zdravlje potrebno odvojiti dovoljno vremena za oboje.
Ako većinu vremena u krevetu partneri provedu u strastvenom zagrljaju, a pritom ne sklope ni oka, to će na kraju uzeti danak, na štetu zdravlja. Rezultat toga je manjak koncentracije, iscrpljenost, ugroženost imunog sistema, smanjena sposobnost upravljanja vozilom, rada na radnom mjestu te opšta zbunjenost i ošamućenost. Možda je ipak vrijeme da se naspavate?
Sindrom slomljenog srca
Sindrom slomljenog srca poznat i kao kardiomiopatija je stanje u koje srce zapadne nakon doživljenog stresa ili intenzivne tjelesne i emotivne traume, poput gubitka voljene osobe, velike nesreće ili prirodne katastrofe. Nalet hormona stresa koje donose ti negativni događaji izaziva simptome veoma slične srčanom udaru, poput akutne boli u grudima, slabosti, nepravilnog pulsa i nedostatka vazduha. Ovo stanje najčešće pogađa žene od 50 ili više godina, a srećom pa je ovo stanje vrlo rijetko fatalno.
Partner koji nemirno spava
Ako vam partner noću hrče, u snu vas udara i gura, neprestano se prevrće u snu, ima nemirne noge, slabu bešiku ili pak spava na sredini kreveta s raširenim nogama to sve može značajno da utiče na kvalitet i kvantitet sna. Stoga pokušajte da pronađete način da se naspavate i odmorite, a ako ne uspijete da postignete kompromis, možda treba da razmotrite spavanje u odvojenim krevetima.
Polno prenosive infekcije
U trenucima strasti oprez je ponekad posljednji na pameti, a time se, naravno, povećava izloženost raznim zdravstvenim rizicima. Korišćenje kondoma pomaže u smanjenju, ali ne i u potpunoj eliminaciji rizika, od polno-prenosivih bolesti, poput hlamidije i gonoreje, HIV-a, sifilisa i hepatitisa B.
Zbog toga se upotreba kondoma snažno preporučuje, ali takođe treba biti svjestan toga da kondomi ne štite od polno prenosivih infekcija, poput genitalnog herpesa ili bradavica (humanog papiloma virusa) koji mogu da se šire preko kontakta kožom ili sluzokožom, čak i kada ne dođe do penetracije.
Nestanak zaljubljenosti i euforije
Zaljubljenost sa sobom donosi euforična, neodoljiva i intenzivno strastvena osjećanja koja vremenom neminovno blijede. Ali isto tako ta osjećanja se ne povlače u isto vrijeme kod oba partnera, a upravo u tom trenutku nastaje problem. Naime, ako ste još uvijek zaljubljeni preko ušiju, a partner ili partnerka prije vas shvati kako ta veza nije “ono pravo”, to može da bude prilično bolno.
(Telegraf.rs)
