Usljed toga, peglanje postaje teže, a nije isključeno ni da na odjeći ostanu mrlje. Zato je veoma važno da znate kako da pravilno očistite površinu za peglanje. Donosimo vam par brzih i efikasnih načina kako to da uradite.

Morska so

Na dasku za peglanje stavite stari pamučni peškir ili papirni ubrus. Jednu kašiku morske soli, što krupnije to bolje, pospite preko peškira ili ubrusa, prenosi Mini magazin.

Peglu uključite i pojačajte na maksimalnu temperaturu. Ako je pegla na paru, vodite računa da je isključite. Kada se zagrije, peglom par puta pređite preko soli. Bićete oduševljeni rezultatom.

Sirće i so

U manju šerpu stavite jednake količine alkoholnog sirćeta i soli te zagrijte tek toliko da se so istopi. Skinite tekućinu sa šporeta i pričekajte da se malo ohladi.

Pamučnu krpu umočite u dobijenu tekućinu i pomoću nje lagano prelazite preko površine za peglanje. Kada nestane sva prljavština, pegla je spremna za rad. Nikada nemojte koristiti čeličnu ili plastičnu žicu za suđe, koliko god da vam se pegla činila prljavom, jer na taj način ćete samo umanjiti njenu efikasnost.

Soda bikarbona

Od sode bikarbone i vode napravite gustu pastu. Pamučnom krpom nanesite mješavinu na površinu za peglanje i lagano trljajte dok ne uklonite svu nečistoću. Čistom krpom očistite ostatke paste. Uključite peglu i pritisnite dugme za izbacivanje pare kako bi se očistili eventualni ostaci paste u otvorima kroz koje para izlazi.

Pasta za zube

Pastu za zube nanesite na zaprljane djelove površine za peglanje. Zatim uzmite pamučnu krpu pa je dobro istrljajte. Nakon toga peglu uključite i na pari peglajte tu istu krpu sve dok vam se površina za peglanje potpuno ne očisti. Napomena: koristite uvijek bijelu pastu za zube, nikako paste u boji.