Ali da klasična kombinacija višanja, čokolade i fine kreme od slatke pavlake može biti pojednostavljena, a opet ukusna dokazuje recept za poznatu tortu koji ne zahtjeva čak ni paljenje rerne.

Sastojci:

- 500 g piškota
- 425 g višanja iz kompota
- ½ šoljice džema od višanja
- 250 ml hladne kafe
- 900 ml slatke pavlake za šlag
- 1 kašika šećera
- 1 čajna kašičica ekstrakta od vanile
- 5 dkg rendane čokolade za kuvanje

Priprema:

1. Višnje procijedite i sačuvajte sirup, potom u njega dodajte hladnu kafu i dobro izmiješajte.
2. Procijeđene višnje nasjeckajte na sitne komadiće i pomiješajte ih s džemom u homogenu smjesu.
3. U slatku pavlaku dodajte kašiku šećera i ekstrakt od vanile pa umutite čvrsti šlag.
4. Pripremite kalup na koji ćete slagati sastojke i koji vam stane u frižider. Odvojite 6 piškota i svaku kratko umočite u mješavinu kafe i sirupa, te je potom odložite na kalup, isto napravite s ostalih pet piškota slažući ih jednu pored druge.
5. Na piškote stavite mješavinu džema i višanja u tankom sloju potom dodajte umućenu slatku pavlaku i ponovite isti redosljed slaganja dok ne potrošite piškote s kojima ćete završiti desert.
6. Tortu stavite u frižider na 3 sata, potom je premažite s ostatkom pavlake i obilno pospite s rendanom čokoladom za kuvanje.

(kolektiv.me)