"Unos vode tokom jela razrjeđuje želudačne kisjeline i sokove koji ometaju i usporavaju varenje. Trebalo bi da se pridržavamo pravila da vodu pijemo 15 do 20 minuta prije jela. Vodu treba izbjegavati za vrijeme ili odmah nakon obroka i zato što se na taj način povećava zapremina želuca", objašnjava nutricionista Jagoda Jorga.

Dobra navika koju bi trebalo da usvojite je da svakog jutra popijete čašu vode sa kriškom limuna prije bilo kog obroka. Po vrućini, kad se pojačava osjećaj žeđi i gubitak tečnosti, treba unositi više tečnosti. Bolje je piti po nekoliko gutljaja s manjim pauzama nego odjednom sasuti u sebe cijelu čašu vode.

Koliko treba da pijemo?

U normalnim uslovima, uz prosječan gubitak vode (od približno 12 čaša, to jest dva i po do tri litra) potrebno je unijeti u organizam istu količinu tečnosti. To, međutim, ne znači da dnevno treba popiti tri litra vode. Većina namirnica sadrži vodu. Zajedno s hranom u organizam unesemo prosječno još četiri čaše vode.

Kolektiv.me