Prednost ovog vida rekreiranja je u tome da je pilates lagana gimnastika koja ne opterećuje zglobove i muskulaturu, ali je, ipak, fizički zahtjevan. Vježbanje se usmjerava na tijelo u cjelini, a zasniva se na disanju, razgibavanju, opuštanju, ali i snazi, jačanju mišića i izdržljivosti.

Jačanjem i razgibavanjem tijela, pilates omogućava oblikovanje vitke siluete, izvajanih mišića, dok na duže staze pruža održavanje forme, veoma efikasne u borbi protiv starenja.

Trbušnjaci

Lezite na pod, ispružite noge, a loptu držite takođe ispruženim rukama iznad glave. Polako se podižite gornjim dijelom tijela rukama napred sa loptom, istovremeno podižući desnu nogu ravno bez savijanja. Vratite se u početni položaj, spuštajući lopatice na tlo i loptu iznad glave. Ovaj pokret ponovite 30 puta, a onda zamijenite drugom nogom. Sve uradite u dvije serije.

Iskorak

Iskorak je jedna od najefektnijih vježbi za izgradnju mišića butine i zadnjice. Iz stojećeg položaja iskoračite jednom nogom i spustite se blago naniže dok butina ne bude paralelna sa podlogom a koleno pod uglom od 90 stepeni. Istovremeno podižete loptu tako da je u poziciji iznad glave. Nakon spuštanja, vratite se u početni položaj i uradite iskorak drugom nogom. Kod ove vježbe cilj je istovremeno i jačanje mišića ruku. Vježbu ponoviti 10 puta i sve to u tri serije.

Jaka leđa

Lezite na stomak dok u rukama držite loptu. Noge povijte u kolenima i odižite butine i gornji dio tijela od podloge. Ponovite najmanje 10 puta u tri serije.

Oblikovanje zadnjice

Lezite stomakom na loptu oslanjajući se nožnim prstima o pod i čvrstim osloncem rukama u nivou ramenog pojasa dovedite tijelo u ravnotežu. Vježba se počinje podizanjem jedne noge do ugla od 45 stepeni. Pritom se vodi računa da se noga ne savija u koljenu. Ovaj pokret trebalo bi da se ponovi 30 puta, a zatim ponovi drugom nogom.