Taman kada to završimo, voda je provrela, pa u nju dodajemo krompir. Još smo ponosni što smo tako dobro iskoristili vrijeme. Takođe, imamo i neki osjećaj da je to bolje i zdravije - možda će krompir izgubiti manje vitamina ako nije dugo u vodi?

Međutim, krompir bi trebalo staviti u hladnu vodu, a navode se dva jaka razloga za to. Prvo, ako krompir ubacite u vrelu vodu spolja će se vrlo brzo skuvati, ali sredina se ne može tako brzo zagrijati pa će joj trebati više vremena.

Rezultat: ili će se spoljni djelovi početi da se raspadaju ili će sredina ostati poluživa. Ovo važi i kada kuvate cijele krompire. Ako ih stavite u hladnu vodu postepeno će se i ravnomjerno zagrijavati pa tako ravnomjerno i skuvati.

A ušteda vremena? Dok se voda polako zagrijava, možete pripremati druge namirnice za ručak. Ipak, vrijeme je na vašoj strani i ovako: krompiru koji je stavljen u hladnu vodu treba manje vremena da se skuva!